About Us

مين نِحنا

من أول نقطة دم سقيت عطش خشبة الصليب انفتح جرح جديد لون درب الشهادة.
عَ هالدرب مشيت القوافل جيل بعد جيل، شهدا وقديسين وابطال ومقاومين...

وطلعت غبرة الصحرا تغطي وج الشرق التعبان من الحروب والانقسامات

وكلمة بولس الرسول "يا ويلي إذا ما بشّرت ..." صار إلا معنى جديد

ومشروع الله الخلاصي صار الو دربين عنا:

1- شهادة للمسيح.

2- الدفاع عن الوجود المسيحي الحر بالشرق حتى الاستشهاد.

قضية المسيحي بها الشرق: قضية حرية الإنسان المخلوق حرّ ع صورة الله؛

و ما في حرية برات المسيح.

قدام شر الاحتلال كان عنا خيارين: الذمّية أو الموت: اخترنا المقاومة

مقاومتنا بقيادة الكنيسة حققت ايام المردة كيان مستقل عاصمتو بسكنتا، دافعت عن هالكيان لدرجة اضطر فيا المحتل العربي يعمل معنا تلات معاهدات وكان يدفع فين الجزية تنوقف الحرب عليه.

نتيجة هالتغيرات ودخول ناس جداد عالشرق ولبنان، صار في تعددية، يعني مجموعتين كبار: مسيحيي سريان و اسلام عرب، كل مجموعة منن الا هويتا وما بتشبه التاني بشي، لا بالدين ولا بالتاريخ ولا اللغة ولا الثقافة ولا الحضارة... نحنا بدنا كل مجموعة تقدر تحقق ذاتا بس مش عحساب التانيي.

مقاومتنا الحالية عمرا أكتر من 1400 سنة، وهيي مرحلي من مراحل مقاومتنا التاريخية ونحنا اليوم حلقة من ها السلسلة... تـ يضلّ الصليب فوق جبالنا علامي.

مقاومتنا روح شعب، ماحدا بيملكا غير القضية: لا مؤسسة و لا شخص.
الوصوليين بيفللو و "بيوصلو"... و المقاومة بتبقى و بتكمل...
كل تأليه لأي شخص غير يسوع المسيح: كفر و هرطقة و إلحاد.

المقاومة مش حمل سلاح و بس، و لا كل مين حمل سلاح وقاتل بيتسمى مقاوم.

المقاومة التزام واعي وحرّ بالرب يسوع وانجيلو وكنيستو.

بتنتصر مقاومتنا:

1- بس تحقق أهدافا اللي هيي بعيدة كل البعد عن الكره والحقد والبغض
2- لمن بيزول الشر البيدمر إنسانية الإنسان
3- لمن بيصيرو الباقيين يعترفو بالاخر ويحترموه ويقبلو التعددية

هالحركي بتضم مجموعة من المقاومين، بعدن بالذخم ذاتو وما حدا بيقدر يحد من مقاومتن.

الثبات بالشهادة للحق وقول الحقيقة وهني: ركيزة هالحركة

وحتى نضلّ بها المسيرة ويوصل صوتنا كلنا، كان هالموقع …
اللي ما إلو علاقة ولا بينطق باسم اي حزب او تيار.

حركة المقاومة المسيحية

Email: info@lebanese-resistance.org